संभाजी भिडेंना पालखीपुढे चालण्यास मज्जाव


शिवप्रतिष्ठानचे संस्थापक संभाजी भिडे आणि शिवप्रतिष्ठानच्या कार्यकर्त्यांना संत ज्ञानेश्वर महाराजांच्या पालखीसमोर चालण्याची परवानगी नाकारण्यात आली आहे. पालखी सोहळा समितीने संत ज्ञानेश्वर महाराजांच्या पालखीपुढे कोणाच्याही चालण्यावर आक्षेप घेणारं पत्रच पुणे पोलिसांना दिलं. पालखी सोहळ्यात कुणीही घुसू नये अशी मागणीच या पत्रात करण्यात आली आहे. या पत्रानंतर पुणे पोलिसांनी पालखीपुढे चालण्याची परवानगी नाकारली आहे. मात्र, संभाजी भिडे किंवा शिवप्रतिष्ठानचे कार्यकर्ते पालखीच्या मागून चालू शकतात असंही पोलिसांनी म्हटलं आहे. 



परंपरागत पद्धतीने चालत आलेला दिंड्यांचा क्रम कायम राहाणे आवश्यक असून तसा आपला प्रयत्न असल्याचं संत ज्ञानेश्वर महाराज पालखी सोहळ्याच्या प्रमुखांनी स्पष्ट केलं आहे. पालखी सोहळा समिती आणि पोलिसांनी पालखीपुढे चालण्याची परवानगी नकारल्यानंतर उद्या संभाजी भिडे आणि त्यांचे समर्थक पुण्यातील जंगली महाराज मंदिरात जमणार आहेत. त्यानंतर सर्व पालख्या पुढे गेल्यावरच ते सोहळ्यात सहभागी होतील. ते शिवाजी नगर चौक ते डेक्कनच्या संभाजी महाराज पुतळ्यापर्यंत चालत जाणार आहेत. 

यापूर्वी अनेकदा शिवप्रतिष्ठानचे कार्यकर्त्यांनी आषाढी वारीसाठी निघालेल्या पालखी सोहळ्यात सहभाग नोंदवला आहे. दोन वर्षांपूर्वी ज्ञानेश्वर महाराज आणि तुकाराम महाराजांच्या पालखी मार्गात वाद झाला होता. त्यावेळी शिवप्रतिष्ठानच्या काही कार्यकर्त्यांनी दिंडीच्या पुढे येऊन पदयात्रा केली होती. मात्र याला दिंडीच्या प्रमुख कार्यकर्त्यांनी आक्षेप घेतला. त्यानंतर गेल्या वर्षीपासून शिवप्रतिष्ठानच्या कार्यकर्त्यांना पालखी मार्गात येण्यास मज्जाव करण्यात आला होता. 




-------------------------------------------------------

पंढरीचे सर्वात आधीचे ई-न्युज वेब चॅनल " पंढरपूर  Live " 

तब्बल 43 लाखांहून अधिक वाचकांच्या पसंतीस पात्र ठरलेल्या 

पंढरपूर  Live वर आपली, आपल्या व्यवसायाची जाहिरात द्या.. इफेक्ट बघा..! 

कार्यालय:- शिवयोगी मंगल भवन, लिंक रोड, पंढरपूर, 

जि. सोलापूर 413304

मुख्य संपादक-भगवान गणपतराव वानखेडे  

उपसंपादक - विजयकुमार गायकवाड 

Whats Up -  8308838111, 7083980165 

Mobile- 8149624977

Mail- livepandharpur@gmail.com 

Labels:

Post a Comment

[blogger]

MKRdezign

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget