जगद्गुरु संत तुकाराम महाराजांचा पालखी सोहळा मार्गस्थ


पुण्यनगरीतील दोन दिवसांच्या मुक्कामानंतर जगत्‌‌गुरू संत श्री तुकाराम महाराजांचा पालखी सोहळा शुक्रवारी लोणी काळभोरकडे मार्गस्थ झाला. ग्रामस्थांसमवेत विविध संस्था, संघटना व पंचक्रोशीतील नागरिकांनी पालखी मार्गावर रांगोळी काढून, फुलांच्या वर्षावात सोहळ्याचे स्वागत केले. 

'ज्ञानोबा तुकाराम'च्या गजरात, टाळ मृदुंगाच्या निनादात संत श्रेष्ठ जगतगुरू तुकाराम महाराज पालखी सोहळा पुणे येथील निवडुंग्या विठोबा मंदिरातून शुक्रवारी सकाळी पुलगेटमार्गे हडपसर येथे आला. गाडीतळ येथे दुपारचा विसावा घेऊन सोहळ्याचे पुणे सोलापूर महामार्गावरून लोणी काळभोरकडे मार्गक्रमण केले. कवडीपाट येथे आर्यन टोल नाका येथे सायंकाळी पाच वाजता पावसाने पालखी सोहळ्याचे स्वागत केले. 

कवडीपाट टोलनाका येथे आमदार बाबुराव पाचर्णे, कदमवाकवस्तीच्या सरपंच गौरी गायकवाड, उपसरपंच ऋषिकेश काळभोर, यशवंत सहकारी साखर कारखान्याचे संचालक चित्तरंजन गायकवाड यांनी पालखीचे स्वागत केले. सायंकाळी सातच्या सुमारास पालखी सोहळ्याने लोणी काळभोरमध्ये प्रवेश केला. या वेळी सरपंच अश्विनी गायकवाड, उपसरपंच सीमा काळभोर यांनी पालखीचे स्वागत केले. या ठिकाणी पृथ्वीराज कपूर मेमोरियल हायस्कूलचे व कन्या प्रशालेचे ढोल लेझीम पथक होते. कन्या प्रशालेच्या विद्यार्थिनींची वृक्षदिंडी भाविकांचे आकर्षण ठरली. 




गावातील दत्त मंदिराजवळ जिल्हा परिषद सदस्या सुनंदा शेलार, विलास काळभोर, पंचायत समिती सदस्य युगंधर काळभोर, आप्पासाहेब काळभोर, सुभाष काळभोर, शरद काळभोर, भोलेनाथ शेलार, आण्णासाहेब काळभोर आदी कार्यकर्त्यांनी स्वागत केले. 

'संत तुकाराम महाराज पालखी सोहळ्यात या वेळी एकूण ३३२ दिंड्यांच्या समावेश असून, पालखीच्या पुढे २६ व मागे ३२६ दिंड्या आहेत. या वेळी निरामय वारी दिंडीचे नव्याने आयोजन केले आहे. यामध्ये प्रत्येक दिंडीमध्ये वारकऱ्यांच्या आरोग्य सेवेसाठी एक डॉक्टर आहे,' अशी माहिती पालखी सोहळ्याचे अध्यक्ष मधुकर मोरे, सोहळा प्रमुख काशिनाथ मोरे व संजय मोरे यांनी दिली. 

संत तुकाराम महाराजांची पालखी गावातील श्री विठ्ठल मंदिरात मुक्काम स्थळी पोहोचल्यानंतर आरती झाली. त्यानंतर सर्व वारकऱ्यांसाठी गावातील विविध तरुण मंडळे, संस्थांनी, घरोघरी भोजनाची व्यवस्था केली होती. 

लोणी काळभोर प्राथमिक आरोग्य केंद्रातर्फे पालखी मुकामाच्या ठिकाणी बाह्यरुग्ण कक्ष उभारण्यात आला आहे. अतिरीक्त पोलिस अधीक्षक जयंत मीना, हवेली उपविभागीय पोलिस अधिकारी पद्मा खन्ना यांच्या मार्गदर्शनानुसार लोणी काळभोर पोलिस ठाण्याच्या वतीने पोलीस निरीक्षक सूरज बंडगर यांच्या नेतृत्वाखाली पोलिस बंदोबस्त तैनात करण्यात आला आहे. 




-------------------------------------------------------

पंढरीचे सर्वात आधीचे ई-न्युज वेब चॅनल " पंढरपूर  Live " 

तब्बल 43 लाखांहून अधिक वाचकांच्या पसंतीस पात्र ठरलेल्या 

पंढरपूर  Live वर आपली, आपल्या व्यवसायाची जाहिरात द्या.. इफेक्ट बघा..! 

कार्यालय:- शिवयोगी मंगल भवन, लिंक रोड, पंढरपूर, 

जि. सोलापूर 413304

मुख्य संपादक-भगवान गणपतराव वानखेडे  

उपसंपादक - विजयकुमार गायकवाड 

Whats Up -  8308838111, 7083980165 

Mobile- 8149624977

Mail- livepandharpur@gmail.com 

Post a Comment

[blogger]

MKRdezign

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget