प्रथम वर्ष पदवी अभियांत्रिकीच्या दुसऱ्या प्रवेश फेरीचे वेळापत्रक पुढे ढकलले... दि.२१ व दि.२२ जुलै रोजी प्रक्रिया चालणार - Pandharpur Live

Breaking

Post Top Ad

Thursday, 18 July 2019

प्रथम वर्ष पदवी अभियांत्रिकीच्या दुसऱ्या प्रवेश फेरीचे वेळापत्रक पुढे ढकलले... दि.२१ व दि.२२ जुलै रोजी प्रक्रिया चालणार


पंढरपूरः-गोपाळपूर (ता.पंढरपूर) येथील श्री विठ्ठल एज्युकेशन अॅण्ड रिसर्च इन्स्टिटयूट संचलित अभियांत्रिकी महाविद्यालयात अभियांत्रिकी (पदवी) ऑनलाईन प्रवेश प्रकियाची दुसऱ्या फेरी (सेकंड कॅप राऊंड)चे वेळापत्रक पुढे ढकलले असून आता रविवार, दि. २१ जुलै २०१९ पासून सुरु होणार असून ती दोनच दिवस म्हणजे सोमवार, २२ जुलै सायंकाळी ५ वाजेपर्यंत चालणार आहे. स्वेरीच्या फॅसिलिटेशन सेंटर (एफ.सी.क्रमांक ६२२०) मध्ये ऑनलाईन सेकंड कॅप राउंड ऑप्शन फॉर्म भरण्याची सोय केली असून याची अलॉटमेंट यादी महाराष्ट्र शासनाच्या राज्य सामाईक प्रवेश परीक्षा कक्षाच्या संकेतस्थळावर बुधवार, २४ जुलै रोजी प्रसिद्ध होणार आहे.’ अशी माहीती श्री विठ्ठल एज्युकेशन अॅण्ड रिसर्च इन्स्टिटयूट, पंढरपूरचे संस्थापक सचिव व अभियांत्रिकी महाविद्यालयाचे प्राचार्य डॉ. बी. पी. रोंगे यांनी दिली. 
        

महाराष्ट्र शासनाच्या राज्य सामाईक प्रवेश परीक्षा कक्षाच्या वतीने अभियांत्रिकी (पदवी) ऑनलाईन प्रवेश प्रकियाची दुसऱ्या फेरीचे (सेकंड कॅप राऊंड) वेळापत्रक पुढे ढकलले असल्याचे रा.सा. प्र.प. कक्षाच्या अधिकृत संकेतस्थळावरून कळविले आहे. त्यानुसार आता सन २०१९-२० च्या पदवी अभियांत्रिकीची दुसरी फेरी सुधारित वेळापत्रकानुसार रविवार,  दि. २१ जुलै २०१९ पासून सुरु होणार असून ती दोनच दिवस म्हणजे सोमवार, दि. २२ जुलै सायंकाळी ५ वाजेपर्यंत चालणार आहे. यामध्ये आपल्याला योग्य महाविद्यालय व योग्य अभ्यासक्रम (विभाग) याची निवड करावी लागणार आहे. 


यासाठी विचारपूर्वक कॅप राऊंड-२चे ऑप्शन फॉर्म भरावेत. दुसऱ्या फेरीसाठी महाविद्यालय निवडताना, प्रवेश घेणाऱ्या महाविद्यालयातील प्रवेशाची संख्या, विद्यार्थ्यांच्या परीक्षेचे निकाल, कॅम्पस प्लेसमेंटची संख्या, सोयी-सुविधा, उच्च शिक्षित प्राध्यापकवर्ग याचा प्रामुख्याने विचार करावा लागणार आहे. विद्यार्थ्यांनी अभ्यास करून करिअरच्या दृष्टीने सर्व बाजूंनी विचार करून योग्य महाविद्यालयाची निवड करावी. चार वर्षे मौज मजा करण्यापेक्षा चार वर्षे परिश्रम करून घेणाऱ्या महाविद्यालयाची निवड करावी, जेणेकरून भविष्यकाळ सुखाचा व समृद्धीचा जाईल. ज्या विद्यार्थ्यांना आपल्या पसंतीचे महाविद्यालय व विभाग मिळाले नाही. तसेच रजिस्ट्रेशन करूनही अद्याप कोणत्याही स्वरूपात प्रवेश मिळालेला नाही अशा विद्यार्थ्यांना या सेकंड कॅप राउंडचा लाभ घेता येणार आहे. पदवी अभियांत्रिकीच्या प्रवेशासंदर्भात अधिक माहितीसाठी प्रथम वर्ष प्रवेशाचे अधिष्ठाता डॉ. पी. एस. कचरे (९५४५५५३७७४)स्वेरीचे कॅम्पस इन्चार्ज प्रा. एम. एम. पवार (९५४५५५३८८८), प्रथम वर्ष अभियांत्रिकीचे विभागप्रमुख डॉ. सतीश लेंडवे (९५४५५५३८७८) प्रा. यु. एल. अनुसे (९१६८६५५३६५) व प्रा. पी. के. भुसे (९२८४०७७०८०) या क्रमांकावर संपर्क साधण्याचे आवाहन केले आहे.














-------------------------------------------------------

पंढरीचे सर्वात आधीचे ई-न्युज वेब चॅनल " पंढरपूर  Live " 

तब्बल 43 लाखांहून अधिक वाचकांच्या पसंतीस पात्र ठरलेल्या 

पंढरपूर  Live वर आपली, आपल्या व्यवसायाची जाहिरात द्या.. इफेक्ट बघा..! 

कार्यालय:- शिवयोगी मंगल भवन, लिंक रोड, पंढरपूर, 

जि. सोलापूर 413304

मुख्य संपादक-भगवान गणपतराव वानखेडे  

उपसंपादक - विजयकुमार गायकवाड 

Whats Up -  8308838111, 7083980165 

Mobile- 8149624977

Mail- livepandharpur@gmail.com 

No comments:

Post a Comment

Pages