पंढरपूर- सातारा महामार्गावरील वाहतुक मार्गात बदल - Pandharpur Live

Latest

Pandharpur Live

पंढरीतील सर्वप्रथम ई-न्युज Web पोर्टल

add

Thursday, 5 March 2020

पंढरपूर- सातारा महामार्गावरील वाहतुक मार्गात बदल

Pandharpur Live-

  पंढरपूर, दि. 05 :-  पंढरपूर-सातारा राष्ट्रीय महामार्गावरील पंढरपूर तालुक्यातील सुपली  येथील उजनी कॅनॉलवरील कोसळलेल्या पुलाचे बांधकाम नव्याने सुरु असल्याने या मार्गावरील अवजड वाहनांच्या वाहतुक मार्गात बदल करण्यात आला आहे. हा बदल दिनांक  3 मार्च  ते 15 एप्रिल 2020  कालावधी पर्यंत राहणार आहे. अपर पोलीस अधिक्षक अतुल झेंडे यांनी याबाबतचे आदेश जारी केले आहेत.

पंढरपूर- सातारा  राष्ट्रीय महामार्गावरील सुपली गावच्या हद्दीतील उजनी कॅनॉलवरील पुलावरील वाहतुकीसाठी कोणताही अडथळा होऊ नये यासाठी अवजड वाहनांच्या वाहतूक मार्गात बदल करण्यात आला आहे.

पंढरपूर कडून साताराकडे जाणाऱ्या अवजड वाहनांना सूचना:-  पंढरपूर कडून  साताराकडे जाणारी अवजड वाहने गादेगांव येथून  कोर्टी मार्गे पंढरपूर-कराड रस्त्यावरुन उजवीकडे वळून महुद मार्गे साळमुख येथून साताराकडे मार्गस्थ करावीत अथवा गादेगांव मार्गे बाजीराव विहीर येथून पंढरपूर- पुणे  मार्गावरुन वेळापूर चौकातुन साळमुख मार्गे साताराकडे मार्गस्थ करावीत.

सातारा कडून पंढरपूरकडे जाणाऱ्या अवजड वाहनांना सूचना:-  सातारा  कडून  पंढरपूरकडे  जाणारी अवजड वाहने  साळमुख येथून महुद मार्गे पंढरपूर- कराड रस्त्यावरुन  कोर्टी -गादेगांव  मार्गे पंढरपूरकडे  मार्गस्थ करावीत. अथवा साळमुख येथून वेळापूर मार्गे पंढरपूर-पुणे रस्त्यावरुन पंढरपूरकडे मार्गस्थ करावीत.
संबंधीत वाहनधरकांनी या बदललेल्या वाहतुक मार्गाची नोंद घेवून वाहतक कोंडी होणार नाही याची दक्षता घ्यावी असे आवाहन वाहतुक विभागाच्या वतीने करण्यात  आले आहे.

add