Pandharpur live : सोलापूर 23 मे, (हिं.स.) - लोणीतून दर महिना १५ मालगाड्या इंधन भरून पाकणी रेल्वे स्थानकावर येतात. तिथून पेट्रोलियम कंपन्यांच्या रूळावर जातात. स्थानकावर रेल्वे सुरक्षा दलातील जवान बंदोबस्ताला असतात.
.jpg)
कंपनी कार्यक्षेत्रातील रूळावर गेली की त्यांची जबाबदारी संपते आणि तिथेच रात्रीचा खेळ सुरू होतो. टपून बसलेले इंधन चोर थेट इंधनाने भरलेल्या वॅगनवरच डल्ला मारतात. कंपनीची पूर्ण सुरक्षाही नसते. गेल्या अनेक वर्षांपासून हा प्रकार सुरू आहे. चोरांच्या टोळ्या तयार झाल्या. त्यांच्यात स्पर्धा सुरू झाली आणि त्यांची हिंमत इतकी वाढली की, त्यांना रोखणाऱ्या अधिकाऱ्यांच्या जीवावरही ते उठले. इंडियन ऑइल कंपनीचे उपव्यवस्थापक कासीम खेती यांच्यावर मध्यरात्री झालेल्या जीवघेण्या हल्ल्याने पाकणीची इंधनचोरी पुन्हा एकदा चर्चेत आली.
0 Comments